ပုဂံမြို့မှာ လေ့လာကြည့်ရှုသင့်သည့် ထူးခြားသည့်နေရာ
အခု(၅၀)
●●●●●●●●●●●●●●●●●●●●●●●●●●●●●●●●

"#မြန်မာမှန်လျှင် ပုဂံကိုရောက်ဖူးရမယ်"ဆိုတဲ့စကားအတိုင်း မြန်မာအများစုဟာ ပုဂံကိုရောက်ဖူးတတ်ကြတယ်။
သို့သော်လည်းပဲ နာမည်ကြီးပြီး ထုထည်ကြီးသည့် ဘုရားပုထိုးများသာ သွားရောက်တတ်ကြတာမို့  ပုဂံရဲ့အနှစ်သာရကို မခံစားနိုင်ပဲဖြစ်တတ်ကြတယ်။
ပုဂံမှာ ရောက်ဖူးနေကျနေရာတွေနဲ့မတူပဲ လူသိနည်းပြီး ထူးခြားတဲ့နေရာတွေအကြောင်းအရာတွေကို လေ့လာချင်တယ်ဆိုရင်တော့  အောက်ပါ နေရာ ၅၀ ကိုလမ်းညွှန်ပါရစေ။


၁_ရွှေစည်းခုံဘုရား  တောင်ဘက်တန်ဆောင်းအတွင်းမှာ
အင်မတန်ကြီးမားသည့် ပုဂံခေတ်လက်ရာသစ်သားတံခါးရွက်ကြီးကို သိမ်းဆည်းထိန်းသိမ်းထားပါတယ်။
ယင်းတံခါးရွက်ကြီးရဲ့အပေါ်တွင်ပုဂံခေတ် တီးမှုကခုန်ဟန်များကို အဆန်းတကြယ်ထုလုပ်ထားသည်။

၂_ရွှေစည်းခုံဘုရား  အပြင်၃၇မင်းနတ်နန်းအတွင်းတွင် ကြီးမားသည့် သိကြားမင်းရုပ်ထုကြီးကို ထိန်းသိမ်းထားရှိပါသည်။ ပုဂံခေတ်ပန်းပုလက်ရာဖြစ်ပြီး ပုဂံခေတ် မြန်မာ့ပန်းပုလက်ရာအဆင့်အတန်းမြင့်မားပုံကို ဖော်ညွှန်းလျက်ရှိသည်။

၃_ရွှေစည်းခုံဘုရား  ခေါင်းလောင်းတိုက်တွင် ဘုရင်းနောင်မင်းတရားကြီးရဲ့  ခေါင်းလောင်းကြီးကို သိမ်းဆည်းထားပါသည်။ယင်းခေါင်းလောင်းကြီးရဲ့ထူးခြားချက်မှာ ဒုတိယမြန်မာနိုင်ငံတော်သမိုင်းကို ရက်စွဲနှင့်တကွ ဖော်ပြရေးသားထားသည်။မြန်မာ့သမိုင်းအတွက်အင်မတန်အရေးပါသော ခေါင်းလောင်းကြီးဖြစ်သည်။

၎_ရွှေစည်းခုံဘုရား  တောင်ဘက်အုတ်စောင်းတန်းထိပ်အနီးတွင်
ကျန်စစ်သားဥမင်ရှိသည်။ကျန်စစ်သားဥမင်တွင်  မွန်ဂိုစစ်သည်များပုံကို ထူးခြားစွာရေးဆွဲမှတ်တမ်းတင်ထားလေသည်။

၅_ညောင်ဦးဘက်မှပုဂံဘက်သို့ ကားလမ်းအတိုင်းလာခဲ့သောအခါဝက်ကြီးအင်းရွှေချောင်းမရောက်မီ လမ်းအရှေ့ဘက်တွင်ဝက်ကြီးအင်းဂူရှိလေသည်။
ဝက်ကြီးအင်းဘုရားတွင် အဝင်တွင် ပဒေသာပင်ပုံကိုရေးဆွဲထားလေသည်။ယင်းပဒေသာပင်တွင် စောင်း ဗုံစသည့်တူရိယာများချိတ်ဆွဲထားသည်။ဂျာမန်လူမျိုး ထောမန်သည် ယင်းဂူမှ ပန်းချီများကို လွှဖြင့်တိုက်ဖြတ်ကာခိုးယူခဲ့လေသည်။
ယနေ့လွှရာများကိုတွေ့မြင်နိုင်သည်။

၆_ကားလမ်းအတိုင်းသွားလျှင်  အလိုတော်ပြည့်ဘုရားအနီး ဘုရားအမှတ် (၃၇၇\၂၃၀) တွင် စဥ့်ပုထိုးဟုခေါ်သည့်စေတီတစ်ဆူတည်ရှိသည်။ယင်းစေတီသည် နာမည်ကျော် အလိုတော်ပြည့်ဘုရားနှင့်  ကပ်လျက်တည်ရှိသော်လည်း စေတီတစ်ဆူလုံး စဥ့်ရည်အပြည့်သုတ်ထားသည့် အုတ်ချပ်များဖြင့်တည်ဆောက်ထားသည်ကိုမူ သတိပြုမိသူနည်းပါးလှသည်။

၇_အလိုတော်ပြည့်ဘုရားမှ အနောက်တောင်ဘက်တွင်  နပဲတောဘုရားစုတည်ရှိသည်။
လိုဏ်နှစ်ဆင့်ဂူဘုရား(၃၅၇\၂၁၇_က)ဟပြင်ဘက်တွင် ပုဂံဒေသတွင် အကောင်းမွန်ဆုံးသော ခြင်္သေ့၊ဘီလူး၊ကိန္ဒရာစသည့် အဂ်တေလက်ရာများကိုလေ့လာရမည်ဖြစ်သည်

၈_နပဲတောဘုရားအစုမှ အရှေ့မြောက်ယွန်းသို့သွားပါက ဆူးလေကုန်းဘုရားအစုသို့ရောက်မည်။ဆူလေကုန်းဘုရား  အရှေ့တောင်ဘက်တွင် တောင်ပုံ လောကနာထဘုရားရှိသည်။ယင်းဘုရားရဲ့  ထူးခြားချက်မှာ လောကနာထဗောဓိသတ်အထိုင်ပုံအမြောက်အများကိုလှပဆန်းကြယ်စွာထုလုပ်ထားသည်။ယင်းဘုရားမူလ ဆင်းတုတော် လက်တော်အကြိုးအတွင်းမှ ဌာပနာထားသည့် ပုဂံခေတ်အဝတ်ပန်းချီလိပ်ကြီးကိုရရှိခဲ့လေသည်။ယခုအခါ ယင်းပန်းချီလိပ်ကြီးကို ပုဂံပြတိုက်တွင်ပြသထားသည်။

၉_အာနန္ဒာဂူတော်ကြီး မြောက်ဘက်စောင်းတန်းအဆုံးတွင် အာနန္ဒာအုတ်ကျောင်းတည်ရှိသည်။
ယင်းအုတ်ကျောင်းအတွင်းနံရံများတွင် အင်မတန်မှ လက်ရာမြောက်ပြီး ပြိုင်ဘက်ကင်းသည့် ကုန်းဘောင်ခေတ်ရှုခင်းနှင့်  ပန်းချီများရေးဆွဲထားသည်။ထူးခြားချက်မှာ အင်္ဂလိပ်လူမျိုးများ၊ပေါ်တူဂီအမျိုးသားများ၊မြန်မာ့ဆိုင်းဝိုင်း
၊စောင်းပတ္တလား တီးခတ်နေသည့်ပုံများကိုထည့်သွင်းရေးဆွဲထားသည်။

၁၀_ရွှေဂူကြီးဘုရားသည် ပုဂံနန်းတော်ရာနှင့်ကပ်လျက်တည်ရှိသည်။ယင်းဂူဘုရား  ဝင်ပေါက်ဝဲယာနံရံတွင် ထည့်သွင်းမြှုပ်နှံထားသောကျောက်စာနှစ်ချပ်ရှိလေသည်။ယင်းကျောက်စာချပ်ကြီးများတွင် ရွှေဂူကြီးဘုရား  တည်ဆောက်ခြင်းအကြောင်းနှင့်  အလောင်းစည်သူမင်းကြီးအကြောင်းကို ထည့်သွင်းရေးထိုးထားလေသည်။

၁၁_ရွှေဂူကြီးဘုရား  အရှေ့တောင်ဘက်တွင် သံတော်ကြားဘုရားတည်ရှိသည်။ယင်းဘုရားအတွင်း  မီးတောင်ချော်ကျောက်အစိမ်းချပ်ကြီးများဖြင့်တည်ဆောက်ထားသော ဆင်းတုတော်ကြီးရှိသည်။

၁၂_သဗ္ဗညုဘုရား  အရှေ့တောင်ဘက်တွင် အလောင်းစည်သူမင်းကြီးကောင်းမှု ကြေးစင်တစ်သောင်းကိုသွန်းသော ခေါင်းလောင်းကြီးဆွဲချိတ်ရာ ကျောက်တိုင်ကြီးများတည်ရှိသည်။

၁၃_သဗ္ဗညုဂူဘုရားကြီးအနောက်ဘက်တွင် နတ်လျောင်းကျောင်းတည်ရှိသည်။ပုဂံဒေသရှိ တစ်ခုတည်းသောဟိန္ဒူဘုရားကျောင်းဖြစ်သည်။ဟိန္ဒူဘာသာရေးဆိုင်ရာ နတ်ရုပ်များနှင့် နံရံပန်းချီများရေးဆွဲထုလုပ်ထားသည်။

၁၄_နတ်လျောင်းကျောင်းနှင့်  မျက်နှာချင်းဆိုင်အနေအထားတွင်ငကျွဲနားထောင်းပုထိုးတည်ရှိသည်။အုတ်ချပ်တစ်ခုနှင့်  တစ်ခုကြားပင် စဥ့်စိမ်းများဆက်အောင်သုတ်လိမ်းထားသဖြင့်  ပုဂံခေတ်စဥ့်ပညာအဆင့်အတန်းကို အံ့အားသင့်ဖွယ်လေ့လာနိုင်သည်။

၁၅_ငကျွဲနားတောင်းပုထိုးမှ လမ်းအတိုင်းသွားလျှင်  ပုထိုးသားများဘုရားကိုရောက်သည်။ယင်းဘုရားသည်  ပုဂံခေတ် အလင်းယူပုံပညာနှင့်  ဗိသုကာအဆင့်အတန်းကိုဖော်ပြနေသည့်ဂူဘုရားတစ်ဆူဖြစ်သည်။fleshမဖွင့်ပဲ ဓာတ်ပုံရိုက်ကူးပါက ဘုရားဆင်းတုတော် တစ်ခုတည်းသား ကွက်တိ ပြတ်သားစွာထိန်လင်းလျက်ကျန်အရာများအမှောင်တိဖြစ်နေသည်ကို တွေ့မြင်ကြရမည်။

၁၆_ပုဂံမြို့တောင်ဘက်မှ ထွက်လာသောလမ်းအတိုင်းသည် ညောင်ဦးမှလာသော ရှေးလမ်းဟောင်းကြီးနှင့်  အဆုံအနီးတွင် မြင်းပြဂူဘုရားတည်ရှိသည်။ပုဂံခေတ်ရဲ့ရှေးကျသောပန်းချီများကိုလေ့လာနိုင်သည်။ယင်းမြင်းပြဂူမှ ဗုဒ္ဓရုပ်ပွားတော်ပုံပါကြေးချပ်ကြီးများကိုရရှိခဲ့သည်။ယနေ့ပြတိုက်တွင်ပြသထားသည်။

၁၇_မြင်းပြဂူမှတောင်သို့ထွက်ပြီး လမ်းအတိုင်းလိုက်သွားသော် ပဲနံ့သာရဂူအစုသို့ရောက်သည်။ပဲနံ့သာဂူအစုအနီးတွင် သိမ္မစည်းဂူ(၁၄၇၁\၇၈၄)ဘုရားရှိသည်။ယင်းဂူအဝတွင် စောင်းပိုက်ထားသောပဉ္စသိခ်နတ်သားပုံကိုလူတစ်ရပ်ခန့်ရေးဆွဲထားသည်။ဂူအတွင်းဝဲဖက်နံရံတွင် ကောသလအိမ်မက်ကိုသရုပ်ဖော်ရေးဆွဲထားသော ပုဂံခေတ်ပန်းချီများကိုလေ့လာကြရမည်။

၁၈_သိမ္ဗစည်းဂူအနီးတွင် ဘုရားအမှတ်(၁၅၅၄\၈၆၇)တည်ရှိသည်။ယင်းဘုရားအတွင်း  အဝင်နံရံညာဖက်တွင် မြင်းမိုရ်တောင်နှင့်  နတ်ပြည်တည်ဟန် ကျွန်းကြီးလေးကျွန်းနှင့်  သက်ဆိုင်ရာပေါက်ပင်များကိုအသေးစိတ်ရေးဆွဲထားသည်။
ပုဂံခေတ် ဂူဘုရားကွမ်းတောင်အများစုသည် ယင်းမြင်းမိုရ်တောင်ပုံစံကိုယူကာ တည်ဆောက်ထားခြင်းဖြစ်သည်။

၁၉_ယင်းဘုရားအနီး ဆင်ပြဂူဘုရားတွင်ထူးခြားချက်မှာ ပုဂံခေတ်တွင် ဂူဘုရားများအတွင်းရှိ ပဓာနဗုဒ္ဓရုပ်ပွားတော်ကြီးများတည်ဆောက်သောအခါ ခေါင်း၊ရင်ဘတ်၊ဝမ်းဗိုက်၊ချက်စသောနေရာတို့တွင် ဌာပနာပစ္စည်းများထည့်ထားသော ကျောက်ကြုပ်ငယ်များ သွင်းထားပြုလုပ်လေ့ရှိသည်။ယခုဆင်ပြဂူဘုရားတွင် မသမာသူတို့ရဲ့လက်ချက်ဖြင့်  ဌာပနများကို ခိုးယူခံရသော်လည်း ဆင်းတုတော်ကြီးရဲ့  ရင်ဘတ်နှင့်ချက်နေရာတို့တွင် မူလကျောက်ဌာပနာကြုပ်များကိုတွေ့မြင်ကြရခြင်းဖြစ်သည်။

၂၀_ဆင်ပြဂူဘုရားနှင့်ကပ်လျက်တည်ရှိသော မာရ်အောင်ဘုရားတွင် ကနေသူ  စည်တီးနေသူ နတ်သမီးပုံစဥ့်ချပ်ကြီးများဖြင့်ကပ်လှူထားသည်။
ယင်းစဥ့်စိမ်းချပ်ကြီးများသည် မသမာသူတို့ရဲ့ခွာယူခိုးယူခြင်းခံခဲ့ရကာအချို့ကို ရန်ကုန်နှင့်  ပုဂံပြတိုက်တွင်ထိန်းသိမ်းပြသထားသည်။

၂၁_ယင်းဘုရားမြေလမ်းအတိုင်းဆက်သွားလျှင်   လောကထိပ်ပန်  ဘုရားသို့ရောက်ရှိမည်။ယင်းဘုရားတွင် ပုဂံခေတ်ရဲ့  အကောင်းဆုံးဟု
ဆိုအပ်သောပန်းချီများရေးဆွဲထားသည်။
မဟော်သဓာဇာတ်တော်နှင့်  ဗုဒ္ဓဝင်ကို တခမ်းတနားရေးဆွဲထားပြီး  ပုဂံခေတ် ဘုရင်၊မိဘုရား၊မှူးကြီးမတ်ရာတို့ရဲ့  ဝတ်စားဆင်ယင်ပုံကို အသေးစိတ်လေ့လာနိုင်သည်။

၂၂_ယင်းမြေလမ်းအတိုင်းသွားလျှင်  နေဝင်ကြည့်သည့် နာမည်ကျော်ရွှေဆံတော်ဘုရားသို့ရောက်ရှိမည်။ရွှေဆံတော်ဘုရားကို ယခင်က မဟာပိန္နဲဘုရားဟုခေါ်ကြသည်။အကြောင်းမှာ ဘုရားထောင့်များတွင် မဟာပိန္နဲနတ်ရုပ်များကိုထားရှိခဲ့ခြင်းဖြစ်သည်။ယနေ့တွင်
ရုပ်တု အကျိုးအပဲ့များကို ဘုရားထောင့်အချို့နှင့်  စေတီတော်မြောက်ဘက်ခြေရင်းတွင်တွေ့မြင်ကြရမည်

၂၃_ရွှေဆံတော်စေတီ အနောက်ဘက်ရှိအုတ်တိုက်ရှည်ကြီးတွင် လျောင်းတော်မူ ဗုဒ္ဓရုပ်ပွားတော်ကြီးတည်ထားသည်။ပုဂံခေတ်လျောင်းတော်မူဆင်းတုများအနက် ရှေးအကျဆုံးနဲ့ အကြီးမားဆုံးဖြစ်သည်။ယင်းဆင်းတုတော်ကြီးရဲ့ထူးခြားချက်မှာ ပရိနိဗ္ဗာန်ပြုဟန်ထုလုပ်ထားသော်လည်း တောင်ဘက်သို့ခေါင်းပြုထားခြင်းဖြစ်သည်။

၂၄_ရွှေဆံတော်ဘုရားတောင်ဘက် မနီးမဝေးတွင် ဂူအမှတ်(၁၅၃၆)အတွင်းတွင် စိတ်ဝင်စားဖွယ်ကောင်းသော စက်ဝန်းပန်းချီများရေးဆွဲထားသည်။ငဖုန်းသင်ယောင်။ငပြည်သင်ဟု လူအမည်ကမ္ဗည်းစာများရေးထိုးထားသည်။

၂၅_ရွှေဆံတော်ဘုရား  အရှေ့မြောက်ဘက် ဂူအမှတ်(၁၅၁၂) မြေဘုံသာဘုရားရှိလေသည်။ယင်းဂူအတွင်း  ပလ္လင်အောက်ခြေများတွင် ကျောက်ဗြဟာရုပ်များ မြှပ်ထားလေသည်။ထိုပလ္လင်မှ မြေတွင်မြှုပ်နေသော အကောင်းပကတိတူးဖော်ရရှိသည့် ကျောက်ဗြသာရုပ်များကို ပုဂံပြတိုက်တွင်ပြသထားလေသည်။

၂၆_ပုဂံမြို့တောင်ဘက်သို့ဆက်သွားမည်ဆိုပါက မင်္ဂလာစေတီသို့ရောက်ရှိမည်။
မြန်မာပြည်ရှိစေတီအများစုသည် ယင်းမင်္ဂလာစေတီကိုပုစံယူတည်ဆောက်ကြခြင်းဖြစ်သည်။၅၅၀ နိပါတော် စဥ့်ကွင်းများတည်ရှိပြီး အချို့မှာ ခိုးယူခံခဲ့ရသည်။

၂၇_ဓမ္မရံကြီးဘုရားသည် မြန်မာပြည်ရဲ့  အကြီးမားဆုံးသော ဗုဒ္ဓဘာသာဆိုင်ရာအဆောက်အုံးဖြစ်သည်။ထူးခြားချက်မှာ
မူလက အတွင်း  ဆင်းတုလေးဆူနှင့်  လိုဏ်ပတ်လမ်းများတည်ဆောက်ခဲ့သည်။  ပန်းချီများရေးဆွဲပြီးကာမှ မခန့်မှန်းနိုင်သော အကြောင်းအရာတစ်ခုကြောင့် အတွင်း လိုဏ်ပတ်လမ်းကို အုတ်ဖြင့်  အပြည့်စီပိတ်ခဲ့သည်။

၂၈_ဓမ္မရုံကြီးဘုရား  မြောက်ဘက်မုခ်တွင် ပလ္လင်တစ်ခုတည်းအပေါ်တွင် ဗုဒ္ဓဆင်းတုနှစ်ဆူကိုတည်ကာ မျက်နှာတော်ကိုရွှေချထားလေသည်။ယင်းဆင်းတုတော်နှစ်ဆူသည် ကျန်အရာအားလုံးပုံစံတူသော်လည်း  ထင်ရှားစွာကွဲပြားခြားနားသည့် အပြုံးကိုယ်စီရှိကြလေသည်။

၂၉_ဓမ္မရံကြီးဘုရားမှ လမ်းအတိုင်းသွားလျှင်  စူဌာမဏိစေတီကိုရောက်မည်။  ယင်းနာမည်ကျော်ဂူဘုရားအား ကာရံထားသည့် တံတိုင်းရဲ့  အုတ်စီလက်ရာမှာ ကမ္ဘာကပင်အံ့အားသင့်လောက်အောင်
ကောင်းမွန်လှသည်။အုတ်ချပ်တစ်ခုနှင့်တစ်ခုအကြား အပ်ထိုးလို့ပင်မရနိုင်ပေ။ပုဂံခေတ် ပန်းရံအတတ်ပညာရဲ့  ကြီးကျယ်ခမ်းနားခဲ့ပုံကိုလေ့လာနိုင်သည်။ပုဂံဒေသရှိအကောင်းဆုံးသော အုတ်စီလက်ရာဖြစ်သည်။

၃၀_မြင်းကပါရွာမြောက်ဘက်၊လမ်းအရှေ့ဘက်တွင် ဂူပြောက်ကြီးနှင့်  မြစေတီတို့ကား အလွန်ထင်ရှားပြီး နာမည်ကျော်ကြားသည်။ယင်းဂူပြောက်ကြီးဘုရားအတွင်း  အကောင်းပကတိကျန်ရှိနေသေးသော ပုဂံခေတ် နံရံဆေးရေးများကိုရေးဆွဲထားသည်။ထူးခြားချက်မှာ တာဝတိသာနတ်ပြည်မှာဆင်းသက်တော်မူခန်း၊
သင်္ဂါယနာတင်မှတ်တမ်းများ၊ တိတ္တိတို့အားတန်ခိုးပြခန်း၊လင်းနို့ငါးရာအားတရားဟောခန်း စသည့်ထူးခြားပြီးရှားပါးသည့်ဗုဒ္ဓဝင်များကိုထည့်သွင်းရေးဆွဲထားသည်။

၃၁_ယင်းအနီး စေတီအနီးအတွင်းမှ ကျောက်စာတစ်ချပ်ကိုတူးဖော်တွေ့ခဲ့ရာ မြစေတီကျောက်စာဟုအမြင်တွင်သည်။အမှန်မှာ ဂူပြောက်ကြီးဘုရားနှင့်သက်ဆိုင်သည့်ကျောက်စာဖြစ်သည်။ပျူ၊မွန်၊မြန်မာ၊ပါဌိ  လေးဘာသာဖြင့်  အကြောင်းအရာတစ်ခုတည်းကိုရေးထိုးထားသဖြင့်  မြန်မာစာပေသမိုင်းအတွက် အဖိုးမဖြတ်နိုင်သောရတနာဖြစ်သည်။မူရင်းကျောက်စာကို ပုဂံပြတိုက်တွင်ပြသထားသည်။

၃၂_ကားလမ်းအတိုင်းဆက်သွားလျှင်  မနူဟာဘုရားသို့ရောက်မည်။ယင်းဘုရားနှင့်  မနီးမဝေးတွင် နန်းဘုရားရှိသည်။ယင်းဘုရားအတွင်းနှင့်အပြင်တွင် ထုဆစ်ထားသော ဗြဟာပုံကြီးများနှင့်ကျောက်ဆစ်လက်ရာများသည် ပုဂံခေတ် ပန်းတမော့လက်ရာအဆင့်အတန်းကိုဖော်ပြလျက်ရှိသည်။

၃၃_မြင်းကပါရွာ အနောက်ဘက်သို့သွားလျှင်  ဖြတ်စရွှေဂူ  ဘုရားသို့ရောက်မည်။ယင်းဂူဘုရားအတွင်းတွင်  ရှေးဟောင်းမွန်ဘာသာဖြင့်ကဗ္ဗည်းထိုးထားသည့် ဇာတ်ကွက်ပန်းချီများမှာစိတ်ဝင်စားဖွယ်ကောင်းလှသည်

၃၄_မြင်းကပါရွာငွေစေတီ ဥတ္တမဂူတောင်ဘက်တွင် ကျဆင်းဂူတည်ရှိသည်။တြိလောကဗိုလ်ဟုလည်းခေါ်သည်။ယင်းဂူဝင်ပေါက်ဝဲယာနံရံများတွင် ရေးသားထားသော မင်စာများအရ အဆောက်အုံတည်ဆောက်သောဒါယကာ၊တည်ဆောက်သောခုနှစ်၊အဆောက်အအုံအမည်တို့ကို ပုဂံခေတ်အတိုင်း
တိကျစွာသိရပုံမှာ ပုဂံဒေသတွင်အလွန်ရှားပါးလေသည်။ယင်းဂူတိုက်မကြီးတွင် ခြေစုံမြေသို့ချထားသော ဗုဒ္ဓဆင်းတုနှစ်ဆူနှင့်  အလယ် ထိုင်တော်မူဆင်းတုတော်ကြီးတစ်ဆူရှိသည်။ယခင်က ဌာပနာဖောက်ကာ ခေါင်းဖြတ်ခိုးယူခံရသော်လည်း ပြန်လည်ပြုပြင်ထားသည်။

၃၅_ကျဆင်းဂူမှ ကားလမ်းအတိုင်းသွားသော် အပယ်ရတနာဂူသို့ရောက်လေသည်။ယင်းဂူအတွင်းတွင် မဟာယာနဗုဒ္ဓဘာသာဆိုင်ရာ ဘုရားလောင်းဗောဓိသတ်အမျိုးမျိုးကို တစ်ခန်းတနားရေးဆွဲထားလေသည်။ယင်းအပြင် အတွင်းပတ်လမ်းအပြင်နံရံတွင် အရိုးတပ်စက်ဝိုင်းများအတွင်း  ဟိန္ဒူဘာသာရေးဆိုင်ရာဗိဿနိုး၊သီဝနှင့်  ဗြဟညဆိုင်ရာအယူဝါဒများကို ထူးခြားစွာရေးဆွဲထားလေသည်။

၃၆_အပယ်ရတနာဘုရားနှင့်  မျက်နှာချင်းဆိုင်တွင် နဂါးရုံဘုရားတည်ရှိသည်။ယင်းဘုရားကြီးရဲ့ထူးခြားချက်မှာ စဥ့်သုတ်အုတ်ချပ်များကို ဘုရားအတွင်း ယနေ့ခေတ် ကြွေပြားအသွင်  ခင်းထားခြင်းဖြစ်သည်။လူတော်တော်များများသည် မိမိတို့ခြေထောက်အောက်ရှိ စဥ့်စိမ်းရောင် အုတ်ချပ်ကြီးများကိုသတိမထားမိကြချေ။

၃၇_ယင်းဘုရားမှကားလမ်းအတိုင်းသွားသော် စိုးမင်းကြီးအုတ်ကျောင်းနှင့်  စေတီသို့ရောက်ရှိမည်။စိုးမင်းကြီးစေတီရဲ့ထူးခြားချက်မှာ ပစ္စယံအဆင့်ဆင့်တွင် စဥ့်ရည်သုတ် ရုပ်ချပ်တန်းကြီးများဖြင့်  ညက်လျက်တန်ဆာဆင်ထားခြင်းဖြစ်သည်။ယင်းစဥ့်ချပ်ကြီးများတွင် ကနေသူ၊ဗုံတီးနေသူများကို ထည့်သွင်းထုလုပ်ထားသည်။ပုဂံခေတ်ရှားပါးပြီးထူးခြားသည့်လက်ရာတစ်ခုဖြစ်သည်။

၃၈_စိုးမင်းကြီးအုတ်ကျောင်း အနောက်တောင်ဖက်တွင် ဂူအမှတ်(၁၀၇၇)မှာ  ပန်းချီလေ့လာသူတို့အဖို့မရောက်တော့မယ်ဖြစ် ထူးခြားသည့်နေရာတစ်ခုဖြစ်သည်။ယင်းဂူအတွင်း  အောက်ခြေအခင်းပေါ်တွင် မြေစာများပို့နေခဲ့ရာ ရှေးဟောင်းဌာဓမှရှင်းလင်းလိုက်သောအခါ မူလရေးဆွဲထားသောပန်းချီများ မပျက်မစီးပဲအကောင်းပကတိ အသစ်စက်စက်ရေးဆွဲထားသည့်ပမာပေါ်ထွန်းလာခဲ့သည်။
ပုဂံခေတ်တွင် ဆန်းပြားသည့်အရောင်များအသုံးပြုကာပန်းချီများ
ရေးဆွဲခဲ့ကြကြောင်းသက်သေပြစရာ
ဂူဘုရားဖြစ်သဖြင့်ထူးခြားသည်။

၃၉_သီရိပစ္စယာရွာတောင်ဘက်တွင် ဖက်လိပ်ဘုရားများတည်ရှိသည်။ယင်းဘုရားများတွင် စဥ့်ရည်မသုတ်သော မြေမီးဖုတ်အုပ်ကြွပ်ရုပ်ကြွများကို
ထူးခြားစွားလေ့လာနိုင်သည်။မြန်မာ့သမိုင်းတွင်အရပ်အရှည်ဆုံးဟုစံချိန်ချိုးခဲ့သည့်  ဇီးကွက်စိန်ရဲ့မွေးရပ်မြေဖြစ်သည်။

၄၀_သီရိပစ္စယာရွာရွာအဝင်ကားလမ်းတောင်ဘက်သို့ဆက်သွားသော် ဂူပြောက်ဘုရားသို့ရောက်ရှိမည်။မြန်မာ့တော်လှန်ရေးခေါင်းဆောင်ကြီး ပုဂံဗိုလ်ချိုပုန်းအောင့်ခဲ့ရာဂူဘုရားဖြစ်သည်*။ အင်္ဂလိပ်တို့က ဗိုလ်ချို့ကိုယင်းဂူဘုရားတွေဖမ်းမိသဖြင့်  ဗိုလ်ချိုမိဘုရားဟုခေါ်သည်။

၄၁_မင်းနန်သူအရပ်သို့ဆက်သွားသော် ဘုရားသုံးဆူသည်နာမည်ကျော်သည်။ဂူဘုရားသုံးဆူကို လိုဏ်ဖြင့်ဆက်သွယ်ထားသည်။ညာဖက်ဆုံးဂူတွင် ပန်းချီများရေးဆွဲထားခြင်းမရှိပဲ ဘယ်ဖက်ဆုံးဂူတွင် ပန်းချီကိုပြည့်စုံစွာရေးဆွဲထားလေသည်။အလယ်ဂူတွင် ဆွဲလက်စပန်းချီများတွေ့ရသဖြင့်  ပုဂံခေတ်ပန်းချီရေးဆွဲပုံအဆင့်ဆင့်ကိုလေ့လာနိုင်ပေသည်။
အလယ်ဂူတွင် ပုဂံခေတ်နန်းတော်ပုံများကိုရေးဆွဲထားလေသည်။

၄၂_ဘုရားသုံးဆူအရှေ့ဘက်တွင် ဂူငယ်လေးတစ်ဆူတည်ရှိသည်။ယင်းဂူရဲ့ထူးခြားချက်မှာ ပုဂံတွင်တွေ့ရသော အခြားသောဘုရားပုထိုးများကဲ့သို့ ဗုဒ္ဓရုပ်ပွားတော်နှင့်  ပလ္လင်ကို အုတ်အဂ်တေဖြင့်တည်ထားခြင်းမပြုပဲ နံရံတွင်သာ ဗုဒ္ဓပုံကြီးကို ရေးဆွဲပူဇော်ထားခြင်းဖြစ်သည်။ယင်းပုံစံကို ပုဂံတွင် ယခုဂူငယ်တွင်သာတွေ့ရလေသည်။

၄၃_ဘုရားသုံးဆူနှင့်  မနီးမဝေးတွင် သမ္ဗူလဂူဘုရားတည်ရှိသည်။ယင်းဂူသည် ပုဂံဒေသတစ်ဝိုက်  အရေးကြီးပြီး ပုဂံခေတ်လက်ရေးလှပညာနှင့်  ပုဂံဗုဒ္ဓစာပေနှင့်စပ်လျဉ်းသော လေ့လာဖွယ်အကောင်းဆုံးဖြစ်သည်။နံရံပေါ်တွင် မှင်ဖြင့်ရေးထိုးထားသော စာလုံးများသည် သေသပ်လှပလွန်းလှသဖြင့်  ယနေ့ခေတ်ပုံနှိပ်စာလုံးများပင်အရှုံးပေးရလေသည်။

၄၄_ယင်းဂူမှ ကားလမ်းအတိုင်းသွားသော် နန္ဒမညာဂူဘုရားသို့ရောက်သည်။
ယင်းဂူတွင်ရေးဆွဲထားသော ပန်းချီများကြောင့်ပင် ပုဂံတွင်ပန်းဦးလွှတ်ခြင်းနှင့်  အရည်းကြီးများရှိခဲ့သည်ဟုပြောဆိုရေးသားခဲ့ကြသည်။
သို့သော်မှန်ကန်မှုမရှိပေ။ယင်းဂူတွင်ထူးခြားချက်မှာ ညာဖက်နံရံပြတင်းပေါက်အောက်တွင် ရေနစ်နေသော လူသုံးဦးပုံကိုရေးဆွဲထားလေသည်။လောဘ၊ဒေါသ၊မောဟတို့မှ မလွတ်ကင်းနိုင်ပဲ သံသရာရေယာဉ်ကြောတွင်နစ်မွန်းကြရခြင်းကိုသွယ်ဝိုက်သောနည်းလမ်းဖြင့်အသိပေးခဲ့ခြင်းဖြစ်သည်။အထက်နံရံတွင်မူ ပုဂံခေတ်မင်းသားတစ်ပါး မြင်းစီးလျက်အဆောင်အယောင်နှင့်တကွကြွချီဟန်ကိုရေးဆွဲထားသည်မှာ အငမတန်စိတ်ဝင်စားဖွယ်ကောင်းလှသည်။

၄၅_ပုဂံညောင်ဦးကားလမ်း ပုဂံအဝင်ညာဖက်တွင်ခေမင်္ဂဘုရားစုတည်ရှိသည်။
ယင်းဂူအစုတွင် ပုဂံတွင် အင်မတန်ရှားပါးသည့် အဝတ်ပန်းချီကို နံရံတွင် ကော်ဖြင့်ကပ်လျက်
ရေးဆွဲထားသည်။ယနေ့ခေတ်အခေါ်
wall paperပုံစံဖြစ်သည်။ယင်းဂူအစုတွင်ပင် ပုဂံရှိရှေးဟောင်းပစ္စည်းအများအပြားကိုခိုးယူသွားခဲ့သော  ဂျာမန်လူမျိုးထောမန်းရဲ့  ရေးထိုးထားခဲ့သော လက်မှတ်ကိုထူးခြားစွာလေ့လာနိုင်သည်။

၄၆_ညောင်ဦးမြို့မြောက်ဘက် သကျမုနိဘုရားတွင် အသောကမင်းကြီးသမီးတော်သဃမိတ္တာ  မဟာဗောဓိပင်အား သီဟိုဠ်သို့ပင့်ဆောင်ပုံ များကိုထူးခြားရှားပါးစွာရေးဆွဲမှတ်တမ်းတင်ထားလေသည်။

၄၇_မြတ်စွာဘုရားရဲ့  စွယ်တော်လေးဆူများ တရုပ်ပြည်၊သီဟိုဠ်ပြည်၊နတ်ပြည်၊နဂါးပြည်တို့တွင်တည်ရှိ
ကြောင်းထူးခြားစွာရေးဆွဲထားသော ပုဂံခေတ်ပန်းချီကိုဘုရားအမှတ်(၁၀၇၇)တွင်လေ့လာနိုင်ပါသည်။ထူးခြားချက်မှာ ယင်းပန်းချီပါ စွယ်တော်ကြုပ်မှာ မျက်မှောက်ခေတ် တရုပ်ပြည် နှင့်  သီရိလကာတို့ရှိ စွယ်တော်ကြုပ်များနှင့်  ပုံစံတစ်ထေရာတည်းဖြစ်ကြောင်း အံ့ဩဖွယ်လေ့လာနိုင်သည်။

၄၈_သစ္စဗန္ဓရရသေ့နှင့်  နမန္တာနဂါးမင်းတို့တောင်းပန်မှုကြောင့်  မြတ်စွာဘုရားခြေတော်ရာချပေးနေပုံကို ဘုရားအမှတ်(၅၃၈)နန္ဒဘုရားအရှေ့ဖက်ဂူတွင် ထူးခြားစွာလေ့လာနိုင်သည်။

၄၉_ကုသဘုရားနှင့်  ဝိနည်းဓိုရ်ဘုရားတို့တွင် စကြဝဠာတည်နေဟန် ပန္ဒက်ပုံကိုထူးခြားစွာရေးဆွဲထားလေးသည်။ပုဂံခေတ် ဗုဒ္ဓဘာသာဆိုင်ရာ စကြာဝဠာအယူအဆကိုလေ့လာနိုင်သည်။ယင်းအပြင် မြတ်စွာဘုရားရဲ့ မူရင်းကဗ္ဗည်းဇာတာတော်ပုံပါထည့်သွင်းရေးဆွဲထားသည်။

၅၀_ဖွားစောရွာ သစ္စာဝတီဘုရား  အရှေ့တောင်အနီး မင်းမရဲဂူဘုရားတိုက်မမြောက်ဖက်နံရံတွင် ရေးထိုးထားသောမင်စာတွင်  အရိမဒ္ဒနပူရမည်သော ပုဂံပြည်၊မြန်မာပြည် စသောစကားလုံးများကိုသုံးနှုန်းရေးထိုးထားပုံကို အလွယ်တကူလေ့လာကြည့်ရှုနိုင်မည်

ဖော်ပြပါနေရာများသည် ပုဂံခေတ်တွင်ထွန်းကားခဲ့သည် ပန်းဆယ်မျိုးသော မြန်မာ့အတတ်ပညာနှင့်  မြန်မာ့အနုသုခုမပညာရပ်များ၊မြန်မာစာပေနှင့်  အခြားသောအနုပညာရပ်များကို ထင်ဟပ်စေနိုင်သည့် ထူးခြားပြီးလူသနည်းသောနေရာများဖြစ်သည် ။

Credit to Simon Htoo Thant
Photo Credit
စွယ်စုံမှစုစည်းဖော်ပြလိုက်ပါသည် ။
စွယ်စုံ